Med Prøysen til Fjelly

Med Prøysen til Fjelly – Marit Einarsrud, Renate Skophamar og Helene Myklemyr

Eit program om  Alf Prøysen sitt liv og forfattarskap med forteljing, song og musikk.

Dette programmet har slege godt an hos lustringane, og no vil me teste stemninga på andre sida av fjorden.Marit Einarsrud står for det verbale. Ho er opprinneleg frå Hamar og har so å seie fått Alf Prøysen sine forteljingar inn med morsmjølka. På ekte hedmarksdialekt gjer ho historiane både nære og levande. I tillegg bidreg ho med vakkert spel på klarinett.  

Renate Skophamar står for det vokale. Ein forbinder  gjerne ho mest med gruppa Folk Flest, der ho er ein av vokalistane. Her gjer ho fine tolkingar av Prøysen sine tekstar på sin måte.

Helene Myklemyr, som mange kanskje kjenner til frå før, tek ansvar for det musikalske med trekkspel og gitar.