Tending to Wilde

Tending to Wilde tek utspring i planters åtferd og kroppsleg oppleving av nære relasjonar. Tre dansarar står på scena saman med tre musikarar på fiolin, cello og kontrabass. Utøvarane filtrar seg saman lik ei klynge med røter, dei borar seg inn mot kvarandre, krev plass og søkjer nærleik og vern. Omkring scenebiletet ligg eit elektroakustisk lydbilete som går i dialog med lyden av instrumenta, og som løfter fram dei subtile drivkreftene i rørslematerialet.